BEKORCHI.UZ

Bosh sahifa » 2012 » Mart » 8 » “Nokia” o‘zining “Symbian” mobil platformasini so‘nggi marta yangiladi.

---

22:24 “Nokia” o‘zining “Symbian” mobil platformasini so‘nggi marta yangiladi.

Symbian-smartfonga yangi "proshivkani” o‘rnatish uchun telefonni USB-kabel orqali shaxsiy kompyuterga ulanadi va "Nokia PC Suite” dasturi orqali dasturiy ta’minot yangilanadi. Bu boradagi yo‘riqnoma bilan kompaniyaning rasmiy blogida tanishishingiz mumkin. Eslatib o‘tamiz, "Symbian OS” uchun "Belle” apdeyti (inglizcha, update – yangilanish) 2011-yil avgust oyida anons qilingan edi. Avvaliga, "Nokia” o‘zining yangi 701, 700 va 603 modellariga "Belle”ni oldindan o‘rnatib chiqardi. Hozirda "Nokia Belle” operatsion tizimini N8, E7, E6, X7, C6-01, C7 va "Oro” modellari uchun yangilash mumkin xolos. "Nokia 500” uchun apdeyt tez kunlarda chiqariladi. Operatsion tizimning yangi versiyasiga kiritilgan o‘zgarishlarga to‘xtaladigan bo‘lsak, undagi asosiy oynalar soni uchtadan oltitagacha oshirilgan, Android-smartfonlarga o‘xshab yuqoridan pastga qarab ochiladigan bildirishnomalar paneli qo‘shilgan, veb-brauzerning ishlashi yaxshilangan hamda usiqa, elektron pochta, aloqalar ro‘yxati va kalendar uchun vidjetlar qayta ishlangan (endi ularning ko‘rinisha kattaroq). Bundan tashqari, "Nokia Belle”ni o‘rnatgandan so‘ng, foydalanuvchilar "Microsoft” korporatsiyasining ba’zi biznes-dasturlarini bepul ko‘chirib olish imkoniga ham ega bo‘ladilar. Bunday ilova-dasturlar sirasiga audio va videokonferensiyalar o‘tkazish imkoniyati ham mavjud bo‘lgan "Microsoft Lync 2010 Mobile” onlayn-messenjeri, taqdimotlarni boshqa foydalanuvchilar bilan bir vaqtda ko‘rish uchun "Microsoft PowerPoint Broadcast”, turli eslatmalarni tezkor qayd qilish uchun "Microsoft OneNote” va hujjatlar bilan ishlash uchun "Microsoft Document Connection” kabilarni kiritish mumkin. Yaqinda tarqalgan xabarlarga ko‘ra, "Nokia” o‘zining qadrdon "Symbian” operatsion tizimi bilan kutilganidan ham ertaroq xayrlashadigan ko‘rinadi. Bunga sabab ushbu smartfonlarga bo‘lgan talabning keskin tushib ketganligidir. Kompaniya "Symbian” asosida ishlovchi yana bitta "Nokia N8” modeliga o‘xshagan smartfon ishlab chiqaradi va u mazkur mobil platformada chiqarilgan eng so‘nggi smartfon bo‘lishi kutilmoqda.

Категория: QIZIQARLI MALUMOTLAR | Ko'rildi: 987 | Qo'shdi: ANIMEADMIN

Всего комментариев: 0